ເຫດຜົນທີ່ຄົນຫຼາຍໄປຮຽນຕໍ່ທີ່ສະຫະລັດອາເມລິກາ ແມ່ນເນື່ອງຈາກລະບົບການສຶກສາທີ່ມີຄຸນນະພາບລະດັບໂລກ ແລະ ມະຫາວິທະຍາໄລຊື່ດັງຫຼາຍແຫ່ງ. ນັກຮຽນມີທາງເລືອກຫຼາຍ ທັງດ້ານສາຂາຮຽນ ແລະ ໂອກາດໃນການປັບປ່ຽນ. ສະຫະລັດຍັງເນັ້ນການຄົ້ນຄ້ວາວິຈັຍ ແລະ ມີເຄື່ອງມືທັນສະໄໝພ້ອມທຶນສະໜັບສະໜູນ. ວັດທະນະທຳທີ່ຫຼາກຫຼາຍ ແລະ ສິ່ງແວດລ້ອມສາກົນ ຊ່ວຍໃຫ້ນັກຮຽນສ້າງເຄືອຂ່າຍ ແລະ ປະສົບການໃໝ່ໆ. ນັກຮຽນຍັງສາມາດພັດທະນາພາສາອັງກິດ ຮັບທຶນ ແລະ ມີຊີວິດໃນມະຫາວິທະຍາໄລທີ່ເຕັມໄປດ້ວຍປະສົບການໃໝ່ໆ ແລະ ການພັດທະນາຕົນເອງ.

ລະບົບການສຶກສາທີ່ດີເລີດ ແລະ ໄດ້ຮັບການຍອມຮັບໃນລະດັບສາກົນ

ການສຶກສາໃນສະຫະລັດອາເມລິກາແມ່ນໄດ້ຮັບການຮັບຮອງວ່າເປັນລະບົບທີ່ມີຄຸນນະພາບ ແລະ ມີຊື່ສຽງໃນລະດັບໂລກ. ສະຫະລັດແມ່ນທີ່ຕັ້ງຂອງມະຫາວິທະຍາໄລຊັ້ນນໍາຫຼາຍແຫ່ງ ທີ່ຕິດອັນດັບ World University Rankings ດ້ວຍລະບົບການສອນທີ່ທັນສະໄໝ ແລະ ມີນະວັດຕະກຳ. ແມ່ນວ່າຂັ້ນຕອນການຮຽນຕໍ່ໃນສະຫະລັດຈະມີຄວາມທ້າທາຍ ແລະ ຫຼັກສູດທີ່ Advance ແລະ ຫຼາກຫຼາຍ ແຕ່ການໄດ້ໄປຮຽນຕໍ່ທີ່ນັ້ນ ຈະເປັນປະສົບການທີ່ຄຸ້ມຄ່າແກ່ນັກສຶກສາທຸກຄົນ.

ຄົ້ນພົບຈຸດມຸ່ງໝາຍ ໃນການພັດທະນາຄວາມພ້ອມໃນອາຊີບ

ການສອນໃນສະຫະລັດບໍ່ໃຊ້ແຕ່ທິດສະດີ ແຕ່ເນັ້ນໃຫ້ນັກຮຽນໄດ້ນຳໄປປະຍຸກໃຊ້ໄດ້ຈິງ. ມະຫາວິທະຍາໄລຈຳນວນຫຼາຍມີຄວາມຮ່ວມມືກັບພາຍນອກ ທັງໂຄງການ ແລະ ນະວັດຕະກຳ ໃຫ້ນັກສຶກສາໄດ້ຮຽນຮູ້ຈາກຂອງຈິງ. ບວກກັບໂອກາດຝຶກງານ OPT (Optional Practical Training) ໄດ້ສູງສຸດ 12-36 ເດືອນຫຼັງຈົບ ຊ່ວຍເປີດທາງໃນການເຮັດວຽກທີ່ຈິງ.

ວັດທະນະທຳຈາກຫຼາຍສັນຊາດ

ບໍ່ແມ່ນມີແຕ່ຊາວອາເມລິກັນທີ່ຈະໄດ້ພົບ ແຕ່ຍັງມີນັກສຶກສາຈາກທົ່ວໂລກ. ຊາວອາເມລິກັນແມ່ນຜູ້ອາໄສຈາກຫຼາຍຊາດ ເຮັດໃຫ້ໄດ້ສຳຜັດວັດທະນະທຳແບບຫຼາກຫຼາຍ ຂະຫຍາຍຄວາມເຂົ້າໃຈ ແລະ ກ້າເຂົ້າໄປຢູ່ໃນສັງຄົມທີ່ແຕກຕ່າງ.

ກິດຈະກໍາ ແລະ ຊີວິດປະຈໍາວັນແບບຊາວອາເມຣິກັນ

ຫຼັກສູດການຮຽນໃນສະຫະລັດຈະແຕກຕ່າງຈາກຫຼາຍປະເທດ ດ້ວຍກິດຈະກໍາ outdoor, ກິລາ, ກຸ່ມຊົນຊົນ ແລະ ວັດທະນະທໍາໃນຊີວິດປະຈໍາວັນ. 

ຄວາມສົມດຸນຂອງເມືອງແລະທຳມະຊາດ

ສະຖານທີ່ທ່ອງທ່ຽວໃນສະຫະລັດອາເມລິກາມີຫຼາຍ ທັງໃນເມືອງ ແລະ ສະຖານທີ່ທ່ອງທ່ຽວທາງປະຫວັດສາດທີ່ມີຊື່ສຽງ. ບໍ່ວ່າຈະເປັນນັກທ່ອງທ່ຽວ ຫຼື ຜູ້ອາໄສ ກໍ່ມັກໄປພັກຜ່ອນໃນທີ່ແຫ່ງຕ່າງໆ ທີ່ລ້ອມຮອບໄປດ້ວຍທຳມະຊາດ ແລະ ການປະຈົນໄພ. ສິ່ງນີ້ເຮັດໃຫ້ການດຳລົງຊີວິດຂອງນັກສຶກສາໃນຕ່າງປະເທດເກີດຄວາມສົມດຸນລະຫວ່າງການຮຽນ ແລະ ການພັກຜ່ອນ. ສະຫະລັດເປັນປະເທດທີ່ໃຫ້ຄວາມສໍາຄັນກັບການອະນຸລັກທຳມະຊາດ ແລະ ຖິ່ນອາໄສຂອງສັດປ່າ ດ້ວຍປ່າສະຫງວນແຫ່ງຊາດທີ່ສວຍງາມຫຼາຍຫຼາຍທົ່ວປະເທດ.

ພັດທະນາພາສາອັງກິດ ແລະ ຝຶກຝົນທັກສະໃນການໃຊ້ຊີວິດ

ຈຸດປະສົງຫຼັກຂອງການໄປຮຽນຕໍ່ທີ່ສະຫະລັດກໍແມ່ນການໄດ້ໃຊ້ພາສາອັງກິດແບບຊາວອາເມລິກັນ ໃນການສື່ສານ ແລະ ການແລກປ່ຽນຄວາມຄິດເຫັນ. ນັກສຶກສາຈະໄດ້ພັດທະນາທັກສະດ້ານການເວົ້າ ການອະທິບາຍ ແລະ ການສະແດງອອກໂດຍການໃຊ້ພາສາຢ່າງເປັນທາງການ ໂດຍບໍ່ກັງວົນກ່ຽວກັບການໃຊ້ຄໍາຜິດ ຫຼື ນຶກຄໍາບໍ່ອອກ. ນອກຈາກນັ້ນ ຍັງເປັນການຝຶກທັກສະການຟັງ ຈາກສຽງ ແລະ ສໍານຽງຂອງຜູ້ຄົນຈາກຫຼາຍສັນຊາດອີກດ້ວຍ.

San Diego, California