LM Education ມີການບໍລິການຮຽນຕໍ່ໃນ ປະເທດສິງກະໂປ ສຳຫຼັບທ່ານທີ່ສົນໃຈໄປສຶກສາຕໍ່ເຊັ່ນ:
ວິຊາພື້ນຖານພາສາອັງກິດ: ສໍາລັບຜູ້ທີ່ຢາກພັດທະນາທັກສະພາສາກ່ອນຮຽນຕໍ່.
ມັດທະຍົມຕອນປາຍ: ເໝາະສໍາລັບນັກຮຽນທີ່ຈະເລີ່ມສາຍການສຶກສາໃໝ່ໃນສິງກະໂປ.
ປະລິນຍາຕີ: ການແນະນຳສາຂາ ແລະ ສະຖາບັນທີ່ເໝາະສົມກັບຄວາມສົນໃຈ.
ປະລິນຍາໂທ: ສໍາລັບຜູ້ທີ່ມີເປົ້າໝາຍຕ້ອງການພັດທະນາຄວາມຮູ້ ແລະ ເພີ່ມໂອກາດສາຍອາຊີບ.
Summer Program: ສໍາລັບນັກນ້ອງໆທີ່ຢາກໄດ້ປະສົບການຮຽນຮູ້ໃໝ່ໆໃນປະເທດສິງກະໂປ ແລະ ຝຶກພາສາອັງກິດ.
ສາມາດລົງທະບຽນໄດ້ແລ້ວມື້ນີ້ກັບທາງ LM Education ຕົວແທນສຳຫຼັບນັກຮຽນລາວ ຢ່າງເປັນທາງການ!
PSB Academy ແມ່ນໂຮງຮຽນເອກະຊົນຊັ້ນນຳຂອງສິງກະໂປ ທີ່ມີປະຫວັດການຍາວນານກວ່າ 60 ປີ. ເປັນສະຖາບັນສຶກສາທີ່ໃຫ້ຄວາມສຳຄັນກັບທັກສະໃນການເຮັດວຽກ ແລະ ຄວາມຮູ້ທີ່ທັນສະໄໝ ສຳລັບນັກຮຽນຈາກທົ່ວໂລກ.
ປັດຈຸບັນ PSB ຮ່ວມມືກັບມະຫາວິທະຍາໄລຊັ້ນນຳຈາກອັງກິດ, ອອສເຕຣເລຍ ແລະ ອີກຫຼາຍປະເທດ ເຮັດໃຫ້ນັກຮຽນໄດ້ຮຽນຫຼັກສູດມາດຕະຖານສາກົນ ແລະ ຈົບດ້ວຍໃບປະກາດຈາກມະຫາວິທະຍາໄລຕ່າງປະເທດນັ້ນເລີຍ ໂດຍທີ່ບໍ່ຕ້ອງໄປຮຽນໄກ ຫຼື ໃຊ້ຄ່າໃຊ້ຈ່າຍສູງ.
PSB ມີຄວາມໂດ່ດເດັ່ນຫຼາຍໃນດ້ານ STEM (ວິທະຍາສາດ, ເຕັກໂນໂລຊີ, ວິສະວະກຳ ແລະ ຄະນິດສາດ) ເຊິ່ງແມ່ນຄວາມຮູ້ທີ່ເປັນທີ່ຕ້ອງການຢ່າງຫຼາຍໃນຕະຫຼາດແຮງງານທົ່ວໂລກ. ບໍ່ວ່າຈະເປັນ IT, ວິສະວະກຳ, ການວິເຄາະຂໍ້ມູນ ມະຫາໄລນີ້ມີຫຼັກສູດເພື່ອໃຫ້ນັກຮຽນພ້ອມສຳລັບອະນາຄົດການເຮັດວຽກແບບມືອາຊີບ.
ຫຼັກສູດຂອງ PSB ຍັງຖືກອອກແບບໃຫ້ສາມາດຮຽນຈົບໄດ້ໄວກວ່າປົກກະຕິ. ໂດຍນ້ອງໆສາມາດຈົບປະລິນຍາຕີໄດ້ໃນໄລຍະ 2.5-3 ປີເທົ່ານັ້ນ
ນອກເໜືອຈາກການຮຽນ PSB ຍັງຕັ້ງໃນໃຈກາງຂອງສິງກະໂປ ເມືອງທີ່ປອດໄພ ສະອາດ ແລະ ທັນສະໄໝ. PSB ລວມທັງໝົດມີ 3 ສາຂາ ແລະ ກຳລັງຈະມີສາຂາທີ່ 4 ໃນໄວໆນີ້.
ສຸດທ້າຍ PSB ມີຄວາມຮ່ວມມືຢ່າງແໜ້ນຫນາກັບພາກອຸດສາຫະກຳ ເຊິ່ງສ້າງໂອກາດໃນການຝຶກງານ, ຕິດຕໍ່ງານ, ແລະ ໄດ້ວຽກງານໃນອະນາຄົດໃຫ້ກັບນັກຮຽນ.
PSB Academy ບໍ່ແມ່ນແຕ່ສະຖາບັນທີ່ໃຫ້ວິຊາຄວາມຮູ້ຢ່າງດຽວ ແຕ່ແມ່ນຈຸດເລີ່ມຕົ້ນຂອງຄວາມຝັນ, ອະນາຄົດ ແລະ ເຕັມໄປດ້ວຍໂອກາດ.
ສິ່ງອໍານວຍຄວາມສະດວກທີ່ City Campus (Main Wing) ຂອງ PSB Academy
ມີພື້ນທີ່ກວ້າງ 9,484 ຕາແມັດ ໃນ Marina Square
ປະກອບມີ:
- ຫ້ອງບັນຍາຍ
- ຫ້ອງສົນທະນາ
- ຫ້ອງປະກອບການຄອມພິວເຕີ
ຫຼັກສູດສໍາຄັນ:
- ທຸລະກິດ
- ໄອທີ
- ວິສະວະກຳ
ອຳນວຍຄວາມສະດວກດ້ວຍ:
- ຫ້ອງພັກຜ່ອນນັກສຶກສາ
- ຫ້ອງສະມຸດ
- ຄາເຟ່
PSB Academy ມີຫຼັກສູດການສຶກສາທີ່ຮັບຮອງລະດັບສາກົນ ທັງໃນລະດັບປະລິນຍາຕີ ແລະ ປະລິນຍາໂທ:
ລະດັບປະລິນຍາໂທ (Postgraduate):
ມີປະມານ 8 ຫຼັກສູດເຊັ່ນ: MBA, PGDM, MSc, MIM, ໃບຮັບຮອງ PG ແລະ Diploma. ໃຊ້ເວລາຮຽນ 6 ຫາ 16 ເດືອນ.
ລະດັບປະລິນຍາຕີ (Undergraduate):
ນັກຮຽນສາມາດເລືອກໄດ້ຈາກ 41 ຫຼັກສູດ ເຊັ່ນ UG Diploma, UG Certificate, BHM, B.Sc. ແລະ B.Pharma.
ຂໍ້ດີຂອງການເລືອກໄປຮຽນຕໍ່ປະເທດສິງກະໂປ
ລະບົບການສຶກສາທີ່ແຂງແຮງ ສິງກະໂປແມ່ນປະເທດທີ່ມີຄຸນນະພາບດ້ານການສຶກສາສູງ ຢູ່ໃນອັນດັບຕົ້ນໆຂອງໂລກ ພ້ອມທັງໃຊ້ພາສາອັງກິດເປັນພາສາຫຼັກໃນທຸກຂັ້ນຂອງການສຶກສາ ດ້ວຍຫຼັກສູດດຽວກັນກັບປະເທດຕະວັນຕົກເຊັ່ນ: ອັງກິດ, ອາເມຣິກາ,ອົດສະຕາລີ, ການາດາ.
ໃກ້ປະເທດລາວ ສະດວກ ຜູ້ປົກຄອງບໍ່ຕ້ອງຂໍວີຊ່າ ຜູ້ປົກຄອງສາມາດໄປຢ້ຽມຢາມລູກຫລານໄດ້ງ່າຍ ໂດຍບໍ່ຈໍາເປັນຕ້ອງຂໍວີຊ່າ ແລະ ນັກຮຽນກໍ່ກັບບ້ານໄດ້ງ່າຍເມື່ອຈໍາເປັນ.
ຄວາມປອດໄພເປັນສິ່ງທີ່ສຳຄັນ ສິງກະໂປເປັນປະເທດທີ່ມີຄວາມປອດໄພສູງ ແລະ ສິງກະໂປມີການບັງຄັບໃຊ້ກົດໝາຍຢ່າງເຂັ້ມງວດ ຄະດີອາຊະຍາກຳກໍ່ໜ້ອຍ ແລະ ບໍ່ມີໄພພິບັດທາງທໍາມະຊາດທີ່ຮ້າຍແຮງເຊັ່ນ ແຜ່ນດິນໄຫວ ຫຼື ໄຕຝຸ່ນ.
ຮຽນພາສາອັງກິດໃນສິງກະໂປ (English Course)
ປະເທດສິງກະໂປຣແມ່ນຫນຶ່ງໃນສະຖານທີ່ດີທີ່ສຸດສໍາລັບການຮຽນພາສາອັງກິດ ສໍາລັບນັກຮຽນຈາກລາວ ແລະ ປະເທດອາຊຽນອື່ນໆ. ສິງກະໂປ ໃຊ້ພາສາອັງກິດເປັນຫຼັກ ແລະ ທາງໃນລະບົບການສຶກສາທຸກລະດັບຊັ້ນ ຕັ້ງແຕ່ປະຖົມໄປຈົນຮອດມະຫາວິທະຍາໄລ. ອັງກິດຖືກນໍາໃຊ້ຢ່າງກວ້າງຂວາງໃນຊີວິດປະຈໍາວັນ, ນັກຮຽນທີ່ໄປຮຽນພາສາອັງກິດໃນສິງກະໂປ ບໍ່ພຽງແຕ່ຮຽນໃນຫ້ອງຮຽນ ແຕ່ຍັງໄດ້ໃຊ້ພາສາໃນຊີວິດຈິງທຸກມື້.
ລະດັບປະລິນຍາຕີ (Bachelor Degree)
ການຮຽນຕໍ່ປະລິນຍາຕີທີ່ສິງກະໂປແມ່ນທາງເລືອກທີ່ນິຍົມ ດ້ວຍລະບົບການສຶກສາທີ່ມີຄຸນນະພາບ ແລະ ຄ່າໃຊ້ຈ່າຍທີ່ປະຢັດກວ່າບາງປະເທດ. ແຕ່ນ້ອງໆຈະໄດ້ຮັບໃບປະກາດຂອງປະເທດນັ້ນເລີຍ ໂດຍທີ່ມີຄ່າໃຊ້ຈ່າຍປະຫຍັດກວ່າ ແລະ ຄ່າຮຽນທີ່ຖືກກວ່າ.
ລະດັບປະລິນຍາໂທ (Master Degree)
ການຮຽນຕໍ່ລະດັບປະລິນຍາໂທທີ່ສິງກະໂປແມ່ນເລືອກທາງທີ່ສະດວກ ແລະ ປະຢັດກວ່າບາງປະເທດເຊັ່ນ UK ຫຼື ອົດສະຕາລີ ເນື່ອງຈາກມີຫຼາຍມະຫາວິທະຍາໄລຈາກຕ່າງປະເທດມາເປີດສອນຫຼັກສູດຂອງຕົນເອງໃນສິງກະໂປ ທັງແບບເປີດວິທະຍາເຂດໂດຍກົງ ຫຼື ສອນຜ່ານສະຖາບັນເອກະຊົນທີ່ຮ່ວມມື. ສຸດທ້າຍຈະໄດ້ຮັບໃບປະລິນຍາໂດຍກົງຈາກມະຫາວິທະຍາໄລປະເທດນັ້ນ.
ນອກຈາກນັ້ນ ນັກຮຽນລາວຍັງສາມາດເລືອກຮຽນຕໍ່ປະລິນຍາໂທກັບມະຫາວິທະຍາໄລລັດຂອງສິງກະໂປໄດ້ເຊັ່ນ NUS ຫຼື SMU ໂດຍສະເພາະຜູ້ທີ່ຈົບປະລິນຍາຕີດ້ວຍຄະແນນສູງ ແລະ ເກັ່ງພາສາອັງກິດ. ແຕ່ບາງສາຂາອາດຈະກຳນົດໃຫ້ມີປະສົບການເຮັດວຽກກ່ອນໃນການສະໝັກ.
ມັດທະຍົມຕອນປາຍ (Secondary Level)
ການຮຽນຕໍ່ມັດທະຍົມທີ່ສິງກະໂປແມ່ນເລືອກທາງທີ່ດີສຸດໆ ສໍາລັບນັກຮຽນທີ່ຢາກໄດ້ການສຶກສາທີ່ມີຄຸນນະພາບສູງ ແລະ ສາກົນ. ຕາມຜົນການປະເມີນຂອງ PISA ປີ 2022 ທີ່ປະເມີນຄວາມສາມາດນັກຮຽນອາຍຸ 15 ປີຈາກທົ່ວໂລກ ໃນວິຊາຄະນິດສາດ, ວິທະຍາສາດ ແລະ ການອ່ານ ນັກຮຽນສິງກະໂປໄດ້ຄະແນນສູງອັນດັບ 1 ຂອງໂລກ. ນີ້ແມ່ນຫຼັກການສຳຄັນທີ່ສະທ້ອນໃຫ້ເຫັນວ່າລະບົບການສຶກສາຂອງລັດ ແລະ ເອກະຊົນ ໃນສິງກະໂປໃນລະດັບມັດທະຍົມໄດ້ຂຶ້ນສູ່ແຖວໜ້າຂອງໂລກຢ່າງຊັດເຈນ.
ດ້ວຍລະບົບການສອນທີ່ເນັ້ນການຄິດວິເຄາະ ແລະ ການໃຊ້ພາສາອັງກິດເປັນຫຼັກ ພ້ອມກັບສິ່ງແວດລ້ອມທີ່ປອດໄພ ແລະ ວິໄນທີ່ເຂັ້ມງວດ ເຮັດໃຫ້ຜູ້ປົກຄອງຫຼາຍຄົນເລືອກສົ່ງລູກໄປຮຽນຕໍ່ທີ່ສິງກະໂປ. ມີໂຮງຮຽນໃຫ້ເລືອກຫຼາກຫຼາຍ ທັງໂຮງຮຽນລັດ ແລະ ໂຮງຮຽນເອກະຊົນ ທີ່ມີທັງຫ້ອງພັກ ແລະ ການເບິ່ງແຍງຢ່າງປອດໄພ ພ້ອມສິ່ງອໍານວຍຄວາມສະດວກ ສິ່ງເຫຼົ່ານີ້ແມ່ນປັດໃຈສໍາຄັນທີ່ເຮັດໃຫ້ນັກຮຽນຈາກຫຼາຍປະເທດມາເລືອກຮຽນທີ່ນີ້ທຸກປີ.
ພັກຮ້ອນ (Summer Course)
ຮູບແບບການໄປຮຽນລະດູຮ້ອນ (Summer Course) ນັກຮຽນສາມາດລົງທະບຽນຮຽນຄອສໄລຍະສັ້ນໃນສິງກະໂປ ໂດຍລົງຮຽນແບບສ່ວນຕົວ. ສ່ວນໃຫຍ່ຈະເປັນຄອສຮຽນພາສາອັງກິດ 3-4 ອາທິດ ແລະ ນັກຮຽນສາມາດເດີນທາງໄປສິງກະໂປດ້ວຍຕົນເອງ ຫຼື ຜູ້ປົກຄອງສາມາດໄປຢ້ຽມຢາມຊ່ວງເປີດຄອສ. ສາມາດຮຽນໄດ້ຕັ້ງແຕ່ ອາຍຸ 13ປີ.
